பழைய நினைவுகள் !!!

ஒரு 6 மாசத்துக்கு முன்னால எனக்கு ரொம்ப போர் அடிச்சது..

என்ன பண்ணலாம்ன்னு யோசிச்சப்ப.. எதாவது கதை எழுதலாமானு பாத்தேன்.. 

அப்ப இதை யோசிச்சேன்..

ஒரு பள்ளியில் ஒரு பெண் குழந்தை படிச்சது...

ஒரு நாள் டீச்சர் டெஸ்ட் வச்சாங்க..

அந்த பொண்ணு படிச்சிட்டு வரல.. 

அப்பறம் சும்மா எழுதலாம்ன்னு எல்லாத்துக்கும் 'B'ய செலக்ட் பண்ணிச்சி..

டீச்சர் திருத்துனாங்க.. அப்பறம் அந்த பொண்ண கூப்பிடாங்க..

அந்த பொண்ணு பயந்துகிட்டே டீச்சர் கிட்ட போச்சி..

அந்த டீச்சர் ஏன் எல்லாத்துக்கும் B செலக்ட் பண்ணிருக்கன்னு கேட்டாங்க..  அதுனால என்ன ஆச்சின்னு தெரியும்மான்னு சொன்னாங்க..

அந்த பொண்ணு பயந்து கிட்டே B பாசான்னு கேட்டுச்சி..

டீச்சர் பாஸ்ன்னு சொன்னாங்க..

அந்த பொண்ணு பேரு என்னன்னு தெரியும்மா???

பீபாசா பாசு (B பாஸா  பாஸ்)... :)      

காதல் கிறுக்கல்கள்..

பெண்ணே..!!! என்னை கடந்து செல்வதோ உன் கால்கள்தான் ஆனால் இடைவெளியோ என் இதயத்தில்..!!!

குலுங்கிய பீரில் வரும் நுரைபோல உன்னை பார்த்ததும் என் மனது குலுங்கி உதடு சிரித்து விடுகிறது....!!!

ஒயின் ஷாப்பில் குடித்தாலும் பாரில் குடித்தாலும் போதை ஒன்று தான்.. அது போல நாம் காரில் போனாலும் நடந்து போனாலும் நம் காதல் ஒன்று தான்..

கஜினி முகமது படை எடுத்ததை போல கடற்கரையில் உன் கால்களை தொட ஓடி வரும் அலை..

பெண்ணே..!! உன் கண்கள் என்ன காந்தமா?? தூசி கூட உன் கண்ணில் ஒட்டி கொள்கிறதே..

பெண்ணே..!!  என் காதல் கண்டிஷன் இல்லாத for loop போல , உன் நினைவுகள் infiniteஆக ஓடிக்கொண்டு இருக்கிறது..  

பெண்ணே..!! என்னை பார்த்தல் இருடேட்டிங் ஆக இருக்கிறது என்கிறாயே.. நாம் இன்னும் ஒருமுறை கூட டேட்டிங் செல்லவில்லை என்பதை மறந்து விட்டாயா?? 

-----------------------இப்போதைக்கு இது போதும்......    

2 நண்பர்கள் சந்தித்த போது..(part 2)

தாமு : மச்சி அடுத்த மாசம் பைக் வாங்க போறேன்டா...  காசு எங்கடா??

ரமேஸ் : டேய் பத்தரமா இருக்குடா.. கவலைபடாதே..

தாமு : டேய் நாயே காச வச்சி வீடு வாங்கிடா??

ரமேஸ் : நான் எப்படா வீடு வாங்கினேன்??

தாமு : பத்தரம் வச்சிருக்கேன்னு சொல்லுற??வீடு வாங்காம பத்திரம் மட்டும் எப்படிடா வரும் ???

ரமேஸ் :   டேய்??  இப்படிலாம் பேசுன இனி என் கை பேசும்..

தாமு : என்னது கைபேசியா??? போனும் வாங்கிடா???

ரமேஸ் : ???????

ஒரு கேண்டீனில்..

ஒரு கேண்டீனில் ஒரு பெண்ணும் பையனும் டீ குடிச்சிகிட்டே பேசுறாங்க...
 
பையன் :
என்ன உன் தோழி இப்பலாம் உன் கூட டீ குடிக்க வரவே மாட்டுரா?? 

பெண் :
அவளுக்கும் எனக்கும் சண்டடா..

பையன்: எப்படி டீ..

பெண்: டீ சுமாரா தான் இருக்கு..

பையன்: ஹே  அது இல்ல..  ஏன்?? என்ன பிரச்சனை??

பெண்:          
அவ கிட்ட திருப்பி தாரேன்னு 2000ருபாய் வாங்கினேன்.  நான் திருப்பி தரும்போது கிட்டத்தட்ட 2000 ருபாய் கூட கேட்டா.. அதான்..

பையன்: அப்படி எவளோ கேட்டா அவ??
பெண்: நான் 2000ரூபாய திருப்பி  0002 ரூபாயா கொடுத்தேன்.. அவ 1998 ரூபா எக்ஸ்ட்ரா கேக்குறா??

பையன்:  ???????    

ஒரு வகுப்பறையில்...

வகுப்பறையில் ஆண்களுக்கும், பெண்களுக்கும் சண்டை வந்தது..

ஒரு பையன் எழுந்து "பெண்ணாக இருந்தாலும் சுவிட்ச்சை on செய்தால் தான் லைட் எரியும் என்றான்"

ஒரு பெண் எழுந்து "ஆணாக இருந்தாலும் penல தான் எக்ஸாம் எழுத முடியும் என்றாள் "

அதற்கு அந்த பையன் மீண்டும் எழுந்து "சுவிட்ச்ச on பண்ணினா தான் மெசின் ஓடும் அப்ப தான் பேப்பர் வரும்.. அப்பறம் தான் pen வச்சி எழுத முடியும் என்றான்"

அப்பறம் டீச்சர் டென்ஷன் ஆகி ஒழுங்கா ஓடிருங்க இல்ல தொலச்சிருவேன்னு சொன்னாங்க..

அதற்கு ஒருவன் டீச்சர் ஓடி போனா தான் தொலைஞ்சி போய்டுவோம்.. நாங்க இங்கயே இருக்கோம் டீச்சர்ன்னு சொன்னான்..

-------------------------------நல்லா இல்லையோ.................

2 நண்பர்கள் சந்தித்த போது...

மச்சி அந்த நாய் குட்டிய பாருடா அழகா இருக்குல??
மச்சி ஒரு டவுட் டா??

என்னடா??

ஏன்டா நாய குட்டின்னு சொல்லுறோம்??


இல்ல மச்சி.. ஹிந்தில பெண் நாய குத்தின்னு சொல்லுவாங்க.. அது கால போக்குல, மொழிபெயர்ப்புல  குட்டின்னு மாறிடுச்சி டா..

இல்ல டா.. குட்டின பொண்ணுங்கள தான் சொல்லுவாங்க..

எப்படிடா அப்படி சொல்லுற

பொண்ணுங்க அழகா டீ போடுவாங்க.. எல்லாரும் அதை குட்ன்னு பாராட்டுவாங்க.. குட்டீன்னு இருந்தது கால போக்குல குட்டின்னு மாறிடுச்சி..

 .................. கோவபடாதீங்க............... :)              

ஒரு சின்ன கருத்து

ஒரு வயதான பெண் பேருந்தில் சென்று கொண்டு இருந்தார்..

நான் ஜன்னல் ஓரத்தில் அமர்ந்து  இருந்தேன்..
என் அருகில் இருந்த வாலிபன் தன் இருக்கையை அவளுக்கு கொடுத்தான்.

அதுக்கு அந்த  பாட்டி நன்றி சொன்னார்.
ஒரு 10 நிமிடம் கழித்து  அந்த பாட்டி இறங்கும் இடம் வந்தது.

அப்பறம் அவள் தனக்கு வேண்டிய ஒருவளை அந்த இடத்தில் அமர செய்தாள்..

ஆனால் அந்த வாலிபன் அதை கண்டுகொள்ளவில்லை.. அவனுக்கு அது பெரிதாக படவில்லை..

ஆனால் அந்த பெண் உணர்ந்திருக்க வேண்டும், அந்த வாலிபனுக்கு கொடுக்கணும் என்று..
ஒரு சாதாரன ஒரு விசயத்துக்கே ஒருவர் தனக்கு செய்த உதவியை மறந்து மற்ற ஒருவருக்கு கொடுக்கிறார் என்றால் இந்த நாட்டில் எப்படி சிபாரிசு இல்லாமல் இருக்கும்...