எனக்கு ஹெட் செட் வேணவே வேணாம்..

நண்பன் 1 : என்னடா நெட்ல பாக்குற..

நண்பன் 2 : சும்மா ஷாப்பிங் மச்சி..

நண்பன் 1 : என்ன வாங்க ??

நண்பன் 2 : ஹெட் செட் வாங்க போறேண்டா..

நண்பன் 1 : ஓ.. ஓகே ஓகே... நானும் வாங்கணும்டா.. எந்த ஹெட்செட் நல்லா இருக்கும்..

நண்பன் 2 : அதைதான்டா நெட்ல தேடிட்டு இருக்கேன்..

நண்பன் 1 : சோனியா??

நண்பன் 2 : சொல்லுடா ?? சோனியா என்ன சொல்லுறா ?? பிரதமர் வேட்பாளர அறிவிக்க போராளாமா ???

நண்பன் 1 : இல்லடா.., sony நல்லா இருக்கா??? 

நண்பன் 2 : <<<so  நீ>>> ஓ.. அத கேக்குறியா???  நான் நல்லா இருக்கேன்டா..

நண்பன் 1 : அது செரிடா ... sony எப்படி ???

நண்பன் 2 : டேய்.. நான் நல்லா இருக்கேன் டா.. எத்தன தடவடா கேப்ப ??

நண்பன் 1 : டேய் ,, ஹெட் செட்ல sony எப்படி ??? 

நண்பன் 2 :  நானும் ஹெட்செட் தாண்டா வாங்குறேன்...

நண்பன் 1 : டேய்... நான் சொல்லுறது உனக்கு புரியுதா இல்லையா ???

நண்பன் 2 : நான் எப்படி இருக்கேன்னு தான கேக்குற???

நண்பன் 1 : நான் எப்படா அப்படி கேட்டேன் ? 

நண்பன் 2 : சோ நீ எப்படின்னு கேட்டையே ?? 

நண்பன் 1 : டேய்???? நான் சோ நீ சொல்லல,,, சோனியான்னு கேட்டேன் 

 நண்பன் 2 : டேய் .. அததான் நான் மோதலையே கேட்டேன்ல.. நீ தான் சொல்லல.... சோனியா என்ன சொன்னா ???? 

நண்பன் 1 ::: எனக்கு ஹெட்செட்டே வேணாம்... நீயே பாரு ...

2 நண்பர்கள் சந்தித்த போது part 3

                              2 நண்பர்கள் சந்தித்த போது part 3

நண்பன் 1: மச்சி கடல் செம அழகா இருக்குடா...

நண்பன் 2 : ஆமாடா.. அதுவும் அந்த அலையபாருவே., நிக்காம வந்துட்டே இருக்குல..

நண்பன் 1 : ஆமாம்டா... எப்படிடா அலை நிக்காம வந்துட்டே இருக்கு..???


நண்பன் 2 : அதுடா.. அந்த காலத்துல ஒரு பையன்கிட்ட கடல்ல இருந்து ஒரு பொண்ணு  பேசுச்சாம்.. அது  ஒரு அலைல எப்பயாச்சும் வருமாம் .. அந்த பையன் அப்போ தான் ஸ்கூல்க்கு போனானாம் ,அந்த பையனுக்கு நம்பர்ல பத்து வரைக்கும் தான் தெரியும்..  ஒரு நாளு, உனக்கு என்ன வேணும்ன்னு கேட்டுச்சாம்.. நான் போதும்ன்னு சொல்லுரவரைக்கும் நீ என்கிட்டே வந்து பாத்து பேசுவயான்னு கேட்டானாம்..அதுக்கு அந்த பொண்ணும்  சரி சரின்னு சொல்லி அப்பப்ப வந்துட்டே இருந்துச்சாம்.  அந்த பையன் ஒவ்வொரு தடவையும் அந்த பொண்ணு வரும் போதுலாம் அவன் எண்ணிட்டே இருந்தான்..அப்பறம் லேட் ஆகிடுச்சி நான் கெளம்புறேன்,உன்ன பாக்க எத்தன தடவ வந்தேன்னு பாத்தியான்னு கேட்டுச்சாம்.. அதுக்கு அவன் ஆமாம் பத்தலைன்னு(பத்து அலை) சொன்னான். அதுக்கு அந்த பொண்ணு ஐயோ பத்தலையா உனக்கு ,சரி நான் மறுபடியும் வாறேன்னு சொல்லிட்டு இன்னைக்கு வரைக்கும் வந்துட்டே இருக்குடா ...

நண்பன் 1 : மச்சி உனக்கு எல்லாமே தெரிஞ்சிருக்குடா...


-----------இது மூலமா நான் எதுவும் சொல்லவல்ல.. சும்மா எதாவது போடனும்ல அதுக்காகத்தான் ..:)

சும்மா ஒரு கதை...

சில நண்பர்கள் பேசுகின்றனர்...

டேய் மச்சான் என்னைய மட்டும் ஏமாத்தித்து அவ மட்டும் சந்தோசமா இருக்கா, அவ சந்தோசத்த கெடுக்கணும், அவ கல்யாணம் நடக்க கூடாதுன்னு நைட் நேரம் ஒரு நாலு பேரு குடிச்சிகிட்டே ஒரு திட்டம் போட்டாங்க... ஒரு கெட்ட நேரம் என்னன்னா அதில் ஒருவன் மட்டும் குடிக்கல.. மத்த எல்லாரும் குடித்து போதையில் சம்மந்தம் இல்லாமல் தப்பு தப்பாக சில தகவலை பரிமாறுகின்றனர்..

அதை கேட்ட குடிக்காதவன், உண்மை என நம்பி,அவள் இருக்கும் தெருவுக்குள் வர..அங்கு ஒரு பெண் செம மேக்கப்புடன் வருகிறாள்..

அவளை கண்டதும் அவன் நண்பனின் காதலி என்று வியந்து அவன் நண்பனிடம் பேசுகிறான்..அவனும் போதையில் ஆம்மாம் என்று உளற, அவளை ஏமாற்றி கடத்துகிறான்..

அவள் தடுமாறி, அவனிடம் சிக்குகிறாள்.. அவன் அந்த பெண்ணை ஒரு அடர்ந்த காட்டுக்குள்ளே ஒரு தனிமையான இடத்திற்கு செல்கிறான்.

திடீரென்று வந்த காட்டு யானையால் அவர்கள் பயந்து ஒருவரை ஒருவர் உதவி நாடி, பேச ஆரம்பிச்சனர்.. அப்பொழுது தான் தெரிய வந்தது அந்த பெண்ணுக்கும் அவன் நண்பனுக்கும் சம்மந்தமே இல்லை..

ஆனாலும் அவள் சந்தோஷமாக பேசினாள்..

பிறகு அவர்கள் காட்டில் பாதுகாப்பான இடத்தை அடைந்தனர்.. அந்த பெண் மிகவும் சந்தோஷமாக இயற்க்கையை ரசித்தபடி இருந்தாள்..

அப்பொழுது அவன் அவளிடம் நான் உன் அனுமதி இல்லாமல் ஏமாற்றி கூட்டி வந்தேன்.. ஆனால் நீ அதற்க்கு மாறாக சந்தோஷமாக இருக்கிறாய்.. எப்படி என்றான்..

அதற்க்கு அவள், என்னோட அம்மா என் சிறுவயதிலேயே இறந்துவிட்டாள்..  என்னோட அப்பா ரெண்டாவது கல்யாணம் பண்ணிட்டார், அன்னைல இருந்து என்னோட சந்தோசம் எல்லாம் அழிஞ்சிருச்சி...  நான் எங்க பக்கத்‌து தெருக்குக்கூட போனது இல்ல.. எங்க பக்கத்து தெருவுல இருக்குற என்னோட ஃப்ரென்ட்டோட கல்யாணத்துக்கு வந்தேன்.. ஆனா இந்த மாதிரி ஒரு இடத்துக்கு வருவேன்னு நினைக்கவே இல்ல... நான் ரொம்ப சந்தோசமா இருக்கேன்னு சொன்னாள்...

அதைக்கேட்ட அவனும் இவள்தான் நமக்கு பொறுத்தமானவள் என்று அவளை காதலிக்க ஆரம்பித்தான்.. கொஞ்ச நாளிலே அவளும் அதற்க்கு ஒத்துக்கொள்ள, காட்டை விட்டு செல்கையில் காதலர்களாக செல்கின்றனர்..

ஒரு வகுப்பில்

ஒரு வகுப்பில்...
ஒரு பையன்.. அவனது தொலைபேசி காணாமல் போனது..

அவன் ஒரு மொபைல் வாங்க யோசித்தான்,..

இறுதியில்  வாங்கினான்... அதில் ஒரு புதிய சிம் கார்ட் போட்டான்..

அவன் மனதில் இந்த மொபைலில் சேகரிக்கும் முதல் எண் அவள் எண்ணாகத்தான் இருக்க வேண்டும் என்று யோசித்தான்..

அதற்காக  ஒரு நாள் அவள் அருகில் அமர்ந்து, அவளுக்கு பரிச்சையில் பதிலை காண்பிக்க ,அவன் டீச்சர்ரிடம் மாட்டினான்..

பிறகு சில நாட்களுக்கு பிறகு,  அவன் ஒரு செமினார்ரில் அவன் எண்ணை சொல்லி ஏதேனும் குறையோ சந்தேகமோ இருந்தால் கூறவும் என்று சொல்ல அவளிடம் இருந்து எந்த இரு கால்லோ இல்லை..

இறுதியில் அவன் மொபைலை காணவில்லை என்று கூற பிற நண்பர்கள் தொடர்பு கொல்ல, எந்த ஒரு பெண்ணின் நம்பரில் இருந்தும் எந்த ஒரு பதிலும் கிடைக்கவில்லை.

திடீரென்று அவன் இதெல்லாம் வேலைக்கு ஆகாதென்று அவன் நண்பனிடம் அவன் புதிய எண்ணை சொல்ல, ஏன் எவளோ நாளாக சொல்லவில்லை என்று ஒருவன் கேட்க அவன் உண்மையை சொன்னான்..

மறுநாள் அவனுடைய நண்பன் ஒருவனிடம் சொல்ல என்று அது காட்டு தீயாய் பறந்தது.. இறுதியாய் அவ காள் காதுக்கு சென்றது..அவள் நேரடியாக அவனிடம் ஏன் என்று கேக்க, பேச, எண்களை பரிமாற நண்பர்களாக மாறினார்..

இதில் இருந்து என்ன சொல்ல ட்ரை  பண்ணுற என்று மட்டும் கேக்காதீங்க.. அது உங்களுக்கே புரிந்துஇருக்கும்.. :) புரியலைன்னா என்னைய கேக்காதீங்க..:)

ஒரு பேருந்து நிறுத்தத்தில்...

ஒரு பேருந்து நிலையத்தில்  நான் பார்த்தது...

ஒரு பேருந்து நிலையத்தில் ஒரு பெண் மிகவும் படபடப்பாக நின்று கொண்டுஇருந்தாள்..

அவள் ஒரு பேருந்துக்காக வெகுநேரம் காத்துகொண்டு இருந்தாள்.

அந்த வழியில் ஒரு பேருந்து வந்ததும் விரைவாக ஓடினாள்.ஆனால் அந்த கூட்டத்தில் அவளால் ஏற முடியவில்லை..

மற்றொரு பேருந்தும் வந்தது.. அதில் ஏற அவள் விரைந்தும்  அவளாள் ஏறமுடியவில்லை..

அதுத்த கனமே மற்றொரு பேருந்தில் ஏறினாள்..  அது பிற பேருந்தை விட டிக்கெட்டின் விலை மலிவாகவும் இருந்தது.. முந்தைய பேருந்தை போல் கூட்டமாக  இல்லாமல் அவளுக்கு உட்கார இடமும் கிடைத்தது..

அவள் பயணித்து செல்லும் பாதையில் பார்த்தாள்.. முன்னே வந்த பேருந்துகள் கூட்ட நெரிசலால் நின்றுகொண்டிருந்தது.. ஆனால் அவர் ஏறிய பேருந்து எல்லாவற்றையும் தாண்டி முன்னே சென்றுகொண்டிருந்தது..

                                          

அவளும் சந்தோசமாக பயணித்து செல்ல விரும்பும் இடத்திற்கு விரைவில் சென்றாள்..

அவள் எதற்க்காக படபடப்புடன் நின்றாள் என்று எனக்கு தெரியாது.. ஆனால் எனக்கு அப்பொழுது தான் நான் புரிந்தது.. நமக்கென்று கிடைக்கும் ஒன்று தாமதமாக கிடைத்தாலும் நம் மனதிற்கு அது பின்னே சந்தோசம் அளிக்கும் ..!!

இரு திருடர்களின் கதை.

இரண்டு பேர் கொள்ளை அடித்த காரணத்திற்க்காக சிறையில் அடைக்கப்பட்டனர்.. 2 வருட தண்டனை அது.  அவர்கள் தான் செய்த தவறை எண்ணி வருத்தப்பட்டுகொண்டு இருந்தனர்..

இதான் அவர்கள் கதை(கற்பனை கதை)..  

இரண்டு பேர் கார் பழுதடைந்த நிலையில் காருக்கு வெளியில் நின்றுகொண்டுஇருந்தனர்.. அங்கு வரும் அனைத்து காரிடமும் லிப்ட் கேட்டுக்கொண்டுஇருந்தனர்.

அப்பொழுது அந்த புறமாக வந்த மற்றொரு வண்டி நின்றது. அந்த காரில் இருந்து ஒருவர் இறங்கி என்னவென்று கேட்க நின்று கொண்டிருந்ததில் ஒருவன் அவன் தலையில் ஒரு கட்டையால் அடித்தான்..  வலி தாங்க முடியாமல் அவன் கத்த இன்னொருவன் வாயை மூடி பணம் எவளோ வைத்திருகிறாய் என்று மிரட்ட, அவன் உள்ளே உள்ள பர்சில் 8000 இருப்பதாக கூறுகிறான்..

ஒருவன் சென்று பர்சை எடுக்க கதவை திறக்கிறான்.. உள்ளே அவனது நண்பன் ஒருவன் அருகில் உள்ள பூச்சி கொள்ளும் ஸ்ப்ரேவை அவன் கண்ணில் அடிக்கிறான்.. அதில் அவன் கத்தி கீழே விழ, இன்னொருவன் பிடியில் இருந்த நபரை விட்டு கட்டையை எடுத்து அடிக்க வருகிறான்..

காரில் இருந்து இறங்கியவன் அந்த ஸ்ப்ரேவை கைக்கு பின்னே வைக்க, அடிக்க வந்தவன் என்னவென்று தெரியாமல் பதற்றத்தில் கட்டையை சுற்ற , கீழே விழுந்து இருந்த நண்பன் , கல்லை விட்டு எரிய அவன் கண்ணிலும் அடித்து விடுகிறார்கள்.. காரில் இருந்த இருவரும் அவர்களை சரிமாரியாக அடிக்கிறார்கள். அதில் அந்த திருடனில் ஒருவனுக்கு கண் அழிய மற்றொருவனுக்கு தலையில் பலத்த காயமாகிறது.

அப்பொழுது அவர்கள் கண்ணில் 1.50 லட்சம் தென்படுகிறது  ஒரு திருடனில் பேன்ட்டில். எடுத்தவன் மச்சி சதிஸ் இத நாம எடுத்துக்கலாம் என்று கூறுகிறான். அவனும் ஓகே சொல்ல, பணத்தை எடுத்து சென்று விட்டனர்..

வீட்டுக்கு சென்றதும் அவர்கள் உரையாட துவங்குகிறார்கள்.. இறுதி முடிவாக, அந்த 1.50 லட்சத்தை ஒரு மாதம் கழித்து செலவழிக்கலாம் என்றும், அந்த பணத்தில் என்ன வாங்க வேணுமென்று கனவு காண துவங்க,மறுநாள் காலையில் போலீஸ் அவர்களை தேடி வந்துவிட்டது..

பிடிபட்டதன் காரணம் அவர்களை அடித்ததற்காக இல்லை.. அந்த 1.50லட்சம் இன்னொருவருடையது. இவர்கள் எடுக்கும் அரைமணிநேரத்துக்கு முன்பு, அந்த திருடர்கள் இவர்களிடம் இருந்து எடுத்துஉள்ளான் என்று தெரிய வந்தது..

திருடிய குற்றத்துக்காகவும், திரும்பி கொடுத்ததற்காகவும், மூன்று நாட்களில் சிறையை வெளியே வந்தனர்..  அப்பொழுது அங்கு இருந்த கான்ஸ்டபில் ஒருவரிடம் விசாரித்தனர். எப்படி எங்களை பிடித்தீர் என்று.  அவர் மறுக்க, இறுதியில் கூறினார், சுங்கச்சாவடியில் பதிவான காரின் நம்பர், மற்றும் பணம் எடுக்கும் போது கூறிய சதிஸ் என்ற பெயரே என்று கூறினார்..

அப்பொழுது அவர்கள் செய்த தவறை(தடயத்தை) நினைத்து முதன்முறை வருந்தினர்.. 

தலைவா

"அமலா பால்
ஆஸ்திரேலியா வில்"




ஆரம்ப வார்த்தையே கவிதை மாதிரி இருந்தாலும் இரண்டாம் பாதில மொக்க போட்டுடாங்க .. டான்ஸ் காமெடின்னு நல்லா போன கதைல அமலா பாலுக்கு போலீஸ் டிரஸ்ஸயும் , விஜய்க்கு வெள்ள சட்டடும் போட்டுவிட்டாங்க ..


முதல் பாதியில் சந்தானம் , அமலா விஜய் அப்பறம் முக்கியமா நம்ம சாம் ஆண்டர்சன். அமலா பாலின் புருசனாக ஒரு சில நிமிடம் நடிக்கும் உன்னததமான கதா பாத்திரத்தில் நடித்துஉள்ளார்..

என்னதான் அமலா பாலாக இருந்தாலும் அப்பன் செத்ததுக்கு ஒரு காரணமாக இருந்ததால் அவல கைவிட்டுவிட்டு ஜிலேப்பி மாதிரி இருக்கும் இந்த ஹீரோயின்ன கல்யாணம் பண்ணிருந்தா நல்லா இருந்துருக்கும் ..

அதை தவற விட்டுது ஏனோ தெரியவில்லை...  விஜய்க்காக  இந்த படத்த பாக்கலன்னாலும் இந்த இரண்டு ஹீரோயின்க்காக பாக்கலாம்..

சின்னவயசுல கொன்ன இன்ஸ்பெக்டர் பையன் பெரிய ஆளாகி நாயகன்ல கமல கொல்லுற மாதிரி இந்த படத்துல சத்யராஜ கொல்லுறாங்க.. அதுக்கு அப்பறம் விஜய் கோவப்பட்டு வில்லனை கொல்லுறது தான் கதை...